清走蟹貨

年少無知,10年前不知為何買入2038富智康、5年前買了6877 CLSA Premium

買入之後不斷跌,完全冇對公司做分析,純粹看股價,中途仲溝貨博回家鄉。

近兩年開始醒覺,應選擇優質股,應留意公司的基本面,所以逐步賣出劣質股。兩股都不斷減持至只保留一手,加埋市值小於$2000,

既然都係冇咩表現,決定把剩下的一手也賣出,換落去更有前景的潛力股。

兩隻股票一共買了五萬,埋單蝕了三萬四。其中後者更是歷來蝕錢最多的股票...但幸好年輕時候資金少,所以交的「學費」雖然都多但還可以啦

再加上埋減持渣打和黃金ETF各一手,把賣出的$11000轉去較有潛力的2820生物科技etf 和 NIO。

醫藥股又多又難分析,但長遠看好整個行業前景,所以作為普通人「大包圍」買ETF。

NIO 因為近來留意youtube, FB, 有不少人談論這股。大家主要買她未來前景, 博變成中國版Tesla。見昨晚業績好但股價卻下跌,就買了少少。

由於兩者都係風險較高,小試牛刀,暫時只入非常小注測試下眼光,佔組合<1%。