盈富中期息歷史新低

盈富基金(2800)基金經理道富環球投資公布，每股中期股息為0.09元，按年大減4成，為歷來最低派息金額。以盈富基金收市價24.05元計，盈富股息率收窄至3.61厘。

應該受匯豐唔派息影響,持倉和收息皆最多嘅盈富大幅減派咗中期股息,收少咗千零蚊利息。

將來恆指納入更多新經濟股後,股息率可能更低。但希望末期息唔好減太多la...

油價變負數

真係唔識,原來油價都可以負數

之前見油價不斷跌,諗住搵下有咩產品可以追蹤油價

搜尋下發現香港有油etf,但再研究下發現這是`期貨'etf

期貨可以輸突的、亦牽涉到期日概念。暫時理解就係呢啲etf要不斷轉倉,經常跟不足當前油價

所以就放棄買油ETF投機油價回升這念頭。亦叫做避過一劫。

月供美股etf

今年開始小額月供QQQ和季供NOBL

為慶祝阿女出世，今次特別加碼買多1股QQQ和4股NOBL，哈哈！

87001 匯賢產業信託

好少碰外匯,但近幾日嘗試檢討多年來投資人民幣係賺定蝕

幾經辛苦終於從多份銀行e-statement找齊兌換人民幣的紀錄

原來早在2008年，即大學時代，已買入少量人民幣簡單放在活期博升值

那時匯率1.10左右，之後的確升值過

在2011年，年少無知，真係唔知點解將d錢拎去買兩手87001(匯賢)。

一買即蟹，高位$5.24，4個月後跌25%(即$4.19)再溝兩手

跟著2015年跌到$3.36又買兩手,即係一共6手。

相比我整個portfolio,人仔資產(不論現金或股票)其實佔好少

所以純粹等返家鄉、幾年都無點理佢，中間佢又有keep住派息。

到2018年因為想將d股票由恆生轉去Citi，所以在2018年7月以$3.25賣走。

蝕$6500，但股息收返$8000，那時埋單都叫做賺$1500。

當時見佢股價幾穩定，想繼續收下股息，所以年底時又平均$3.09買返6手。

另外，人仔定期息率好似唔錯，所以18、19年唱多左幾萬keep住做定期，如果87001跌就拎來入貨。

等左成年，股價無跌，keep帳面有賺。到19年12月，先開始每月逐手慢慢買。

今年3月，佢宣佈減派息，股價大跌。現在真係等到股價跌，咁應該繼續入貨，定停手stop loss呢?

隔左咁多年，終於第一次認真睇佢啲財務數據，歷年收入非常穩定，但亦代表增長空間不大。好嘅地方係公司負債低、財務穩健。

都是果句，人民幣佔我總資產唔多，現時匯率無意欲轉回做港幣。考慮完風險後，覺得可以一試, 會繼續好似月供咁，慢慢買。希望長遠高股息率能夠抵消股價跌幅。

從股息率分析判斷兩蚊以下應該合理。策略係如果兩蚊以上,該月買一手。跌破的話，就買得更密。

現時持有11手，資金足夠再買多20手。

長知識 - mREITs

上網睇睇下股票發現有隻美股MFA跌左好多, preferred stock停埋派息。就google下間公司咩料,講到佢畀人margin call。然後從以下篇章發現佢係一間mREIT, 順便學下咩係mREITs同埋佢風險
http://www.rusrule.com/2020/03/blog-post_31.html

寫筆記

近幾月看得財經書和blog多，記下一些key points提醒自己

最重要：

保留足夠現金、控制注碼、分散投資

BAU:

1. 每月儲優質股票
2. 選出優質股票，耐心持有。優質股票指即使不知股價，你對持有的股票是放心的
3. 學習正確投資知識和心態

股價大跌時:

• 投資是一場長期戰，必會經歷大賺(可惜好少發生)大蝕，大市的大起(狂熱)與大跌(恐慌)。
• 股價大跌時候，需要先停一停冷靜下來，再理性獨立分析各種具體的因素，之後才作出投資決定。
• 股市下跌時，看到的機會比危險多。要相信在跌市之中，才有辦法在未來賺到更多錢。

10個巴菲特投資概念:

1. 以合理價格買進好公司，比以好價錢買進平庸公司好多了
2. 在其他人貪婪時我們害怕，在其他人害怕時我們貪婪
3. 如果你不了解一家企業，千萬別買它
4. 我們偏愛的持股期限是永遠
5. 你不會每年都更換房子、孩子和老婆，為什麼要賣出公司（股票）呢？
6. 短線投機等於就即將發生的事情進行賭博，如果你運用大量的資金進行短線投機，有可能血本無歸。
7. 希望你不要認為自己擁有的股票僅僅是一紙價格每天都在變動的憑證，而且一旦某種經濟事件或政治事件使你緊張不安就會成為你拋售的候選對象。相反，我希望你將自己想像成為公司的所有者之一，對這家企業你願意無限期的投資，就像你與家庭中的其他成員合夥擁有的一個農場或一套公寓。
8. 當市場下跌時，你輕易的將好東西打折變賣，但是一旦市場向上，再想買回來，難之又難。
9. 於每一筆投資，你都應當有勇氣和信心將你淨資產的 10 ％ 以上投入。
10. 成功的秘訣有三條：第一，儘量避免風險，保住本金；第二，儘量避免風險，保住本金；第三，堅決牢記第一、第二條。

匯豐、渣打不派息

匯豐、渣打除了宣佈今年中期不會派息外,但竟然將19年已經除淨嘅末期息撤回

雖然我只持有渣打(長年蟹貨),只佔我個porfolio成本嘅3%,收少幾百元息,加上15、16年都試過唔派,所以影響不算太大

但都減持一半補幾百蚊,換返一手較優質的中銀香港度

當然我的盈富基金、mpf都會間接持有匯控, 所以對我、同埋好多香港人既影響其實都好大