IPO 9997

繼續有玩抽新股這個投機遊戲

今次好運抽中兩手9997, 暗盤一開已經升了七八成,完全無想過。

上市日全部賣出時平均獲利八成,這竟然係我歷來已賣出股票中賺最多錢果隻。

作為長線投資者,都被這些抽新股熱潮吸引,會繼續抽新股,貪念這極短線獲利機會。

由於一直只用現金抽新股,其實好難抽中、加上最多亦只會抽中一兩手。只要嚴守紀律,明白這是投機不是投資,不論賺蝕首日賣出。成本和風險不算大。

月供比亞迪

除咗平穩增值股外,一年前想選一隻潛力股作月供。

受龔成影響, 最後選擇了1211比亞迪

基本因素是它為國內電動車的龍頭, 未來電動車將會取代傳統車輛。看過幾年年報,過去財務表現的確十分普通,但潛力股就是不著眼它的過去,博它的未來潛力。公司傳統業務提供的現金流尚算穩定足夠它發展新技術、新業務。所以都適合自己的投資取向,唯要控制投資比重。

月供一年來,帳面大部分時間都是蝕錢的, 越供越平,供咗咁耐先儲到兩手。

但近兩個月急升20%+,由於pe已80以上, 所以先減持一半(其實即係一手咁大把....)以將成本價大幅拉低至$32,一個可以非常安心持有嘅水平。

月供港鐵

今個月係月供港鐵兩週年,係我繼盈富和領展之後的第3隻月供股票

當初選擇佢,係因為佢係壟斷企業,鐵路加物業發展係獨有優勢,股價長期趨勢是向上升

供咗兩年,加埋以股代息,累積到過3200股。

初初幾個月都係蝕,去到上年年中最高供到$53.8, 帳面賺過兩成。但近一年又不斷回落,近期的月供買入價低過成本價。不論股價和股息表現暫時都比盈富和領展差

地產股近期積弱,但依然覺得是優質股因其獨有的壟斷地位

所以依然會繼續月供,但月供金額會降低,以減低在組合中的比重

IPO 9923

抽中咗9923, 但竟然暗盤潛水

因為貪念,所以喺15蚊溝貨

今早正式掛牌,一開市都係潛水

之後輾轉見佢升返16蚊左右,平手走人

獲利少於200,叫做搵到幾餐飯食下

由於都係投機,唔想再搏,所以就算收市終於高過上市價升到17.66,我都唔會感到可惜。