今年最後一隻抽的1945抽唔中，亦代表今個月IPO投機活動結束。
因覺得IPO熱潮減退，所以最熱門的藍月亮、泡泡瑪特都唔敢抽，只抽了4隻(京東健康、華潤萬象生活、雲想科技、Vesync)。
四隻都有錢賺、都是暗盤急急賣出，合共獲利約$6200。好像賣出之後升幅得更大。因為保守，錯過了不少獲利更多的機會。但這類投機有賺就好了，不能貪心太多。
作為富途用家,好清楚佢產品和服務有領先的競爭優勢
睇了份研究報告預計今年net profit 係11億
而家市值397億,所以pe=36x
盈利正處於快速增長
估計未來3年 CAGR >60%
PEG = 36 / 60 = 0.6 < 1 (低估)
如果佢真係一隻growth stock， PEG=1,即係Full year pe可以60x,保守當 50x.
所以我心中斷估合理價係$52
$39 買入46股考下眼光, 會監察它能否保持增長
全部賣出 1816 中廣核電力
全部賣出 242 信德集團
減持 861 神州數碼
新加入 6098 碧桂園服務
年尾港股執倉,清走持有4、5年都無表現的蟹貨,換入6098
看過不少6098的分析文章,這是間財務算穩健、高速成長的龍頭物業管理公司
2020H1銷售毛利率和淨利率分別為
37.2%和 21.1%，高於行業平均水平
在管面積規模高速增長，物業管理組合更趨多元化，未來增長確定性高。
增長來源:
• 依托母公司
• 進行第三方擴張
• 充足的現金儲備積極收併購擴張
• 社區增值服務 、非業主增值服務、三供一業
風險:
• 人力成本過快上升
• 競爭加劇拓展不及預期
買入時PE(TTM) 為
54 倍, 亂估估值約$60,且觀察未來是否能夠預期的增速。
即使月頭受美國大選的不明朗因素影響,但今個月本人股票組合的已實現和帳面利潤竟然創歷史新高。
累計收取的股息亦突破20萬。可現時速度,應該兩年之內可收多10萬股息。
近排喜歡研究和投資互聯網和科技有關新行業,會看看他們有什麼競爭優勢、新技術如何顛覆整個行業、最後當然希望帶動股價上升。
由於他們是成長性公司,還在建立規模沒有實現盈利,所以只會小注和有輸一半嘅準備。
很多都好吸引,所以繼NIO之後,買入了4隻(FSLY, NET, DADA, DAO) 這類高潛力股。希望其中有一兩隻可以倍升。
近排新能源汽車股升得好急、好勁
三個月前買咗少少NIO, 突然就升咗兩倍。
市值竟然突然去到全球五大車企。
升得快到自己都有點懷疑,所以達到兩倍回報後,今日減持四分一先收回絕大部分成本。
比亞迪都升得好勁,變成帳面賺最多嘅股票,但其實得返一手,繼續長期持有。
第一年畢業出嚟工作就開始咗月供盈富基金,當係儲錢加投資
咁就堅持咗十年了!
月供一定唔可以獲取好高回報,但適合我這類保守和投資能力不高的人,每次可以小額買入、平均成本法可以降低風險。
盈富一直是我第一大持倉,積少成多下,每年提供可觀的股息收入。其回報大部分時間亦比我組合的其他股票好,這證明我選股、買賣時機能力仍不能跑贏市場回報。
頭兩年應該是最煎熬的時間,越供越跌,由24蚊供到落18蚊,然後在16年、18年、今年都經歷下跌。
今年開始很多評論都說買盈富基金已經不合時宜,我部分同意,所以有分散資金去美股和新經濟股。但我依然會保持月供盈富,給自己的理由如下:
6998 又超額過一千倍,好彩抽中一手,暗盤放獲利接近$5900。
1952 是上年末參與IPO遊戲後, 第25隻抽的IPO,終於夠膽首次動用孖展、用銀行戶口抽了乙組頭,所以必抽中。銀行好處是利息成本低、但沒有暗盤。近排好多新股都是只有暗盤開頭才大升、然後首日表現麻麻,所以之前都有點擔心。幸好上市日表現正常,成為歷來賺錢第三多的IPO。
6989 有想過孖展抽,但最後都是現金抽。暗盤已無上升動力,所以很早已放,獲利$1400。好彩冇係銀行孖展,之後上市日表現都麻麻,新股獲利越來越難。有點擔心之後的2096。
2096又再動用孖展係銀行戶口抽了乙組頭,抽到4手。暗盤已破發,跌達15%,真意料之外。上市日再跌,忍痛低位止蝕,把雲頂所賺的都賠晒出嚟。明白投機有賺有蝕,但心裡碰不好受。賽後檢討,可能太貪心抽孖展,把損失放大。
最後總結今個月IPO獲利$6000。
最近一星期,沉迷喺揾富途牛牛嘅小遊戲。
遊戲要掃qr code集齊五隻不同嘅牛牛,那麼就可以得到$188
其實獎品唔算好豐富,但總是想收集齊全部牛牛。
頭四種非常易收集,最後一隻特別罕有。
全靠網上網友提供嘅資訊,終於在凌晨成功找到。太好了,不用再沉迷這遊戲。
6988值博率唔算高,所以只能用一個銀行戶口抽
近排新股熱潮可能已到尾聲,即使超額千六倍,暗盤表現都令人失望
銀行戶口抽唔使手續費,但壞處是沒有暗盤。
所以只能待昨日正式上市時才可賣出。
早上競價時段,股價顯示跌了九成,十分誇張
整個早上,股價都在招股價上下輕微徘徊
其實今次一手才$3000,加上股價上落不大, 賺蝕其實好輕微。但因是短綫投機,受心理壓力影響,經常留意著股價變動。特別是潛水時,會選擇等待、不切實際地盼望股價會回升而遲遲不肯賣出止蝕。
不想再糾纏,趁中午微微高過招股價時決定賣出,微蝕約十元手續費和opportunity cost。
909 值博率較高,用了2個證券戶口抽,亦在低機會率下都2個戶口都一齊抽中。受昨日影響,怕股價會好快插水,今次很快在暗盤時段賣出,鎖定利潤約一萬。雖然有機會股價再升賺更多,但我確實冇預測股價嘅能力。
又幸運地兩個戶口都抽中一手
暗盤一開波已經係最高價, 之後慢慢跌。當然把握唔到最高位放,有賺就算數。獲利近$3000, 當自己今日生日禮物,哈哈。
首次使用富途抽新股,不知為何暗盤價通常其他平台高啲。所以雖然手續費要$50, 但都值得使用。
睇咗唔少網上文章關於加密貨幣,尤其是以太幣。我認同以太幣有長遠升值潛力。所以決定今日小試牛刀,試下開戶口買虛擬幣。
開戶主要係要身份驗證比較麻煩,要求比銀行戶口更高,但最後都順利解決。虛擬幣其實同一般貨幣差唔多,原來可以玩活期、定期、甚至一些槓桿的交易。
暫時買少少當交學費,始終波動性高,繼續慢慢摸索。
再用歷來最大量嘅現金去抽這一隻「水中茅台」
一個戶口抽50手,另一個抽250手。
中籤率不同,一個48%中一手,另一個穩中一手加40%中多手。但結果都係各戶口抽中一手,哈哈。
暗盤一開已升一倍以上,喜出望外
想在暗盤放先一手,但應該暗盤系統有問題,搞了兩個鐘都成交不到,最後要調低到當日最低價才能成交。冇辦法,賺少都好過冇賺。
可能以賣水來講,PE真係太高。早上開市股價都不斷下跌,唔理太多,十點放埋剩餘一手,鎖定利潤$6400
不經不覺月供了823領展5年
它是我第二隻月供的股票,長時間累積下,現時是第2大持倉、也是收息第2多的股票
當初選擇它應該是熟識的公司名字、股價以往長綫上升。
如下圖,它曾是我組合內的長勝將軍,16年開始賬面已有30%利潤。股價在19年中曾接近$100, 賬面賺近70%。
但近一年,社會運動加上疫情使股價不斷下跌,跌幅達三成。近兩期月供買入價已低於平均成本價,所以若以現時review投資回報來說,只是賺息無賺價, 起碼當儲咗一筆錢。
新經濟股興起,近年領展這類舊經濟股被批評增長能力不再。在我看來,它是本地業務為主的企業,所以其實看你對香港中長期前境有沒有信心。
我給自己繼續月供和持有的理由如下:
若以上持有的理由消失,就可能要賣出了。
繼續優化股票組合,把非核心股票清倉。
1373在2013年已持有,應該是我人生第一隻抽的新股。
頭一年有錢賬面賺,但之後幾年股價都潛水,所以變咗長揸…
近年才認真看一看財務數據,它算是收息股,近幾年營收有進步、股息漸增。亦算受惠於疫情,所以近來股價剛巧升回我的成本價。但相信該公司增長空間應該有限、加上只持有四千股,每年只為我帶來五百多元的股息收入。所以決定斷捨離,把資金換到較有潛力和前景的2820。
