減持少量比亞迪

三個月前減持一半比亞迪後,股價竟然再升了一倍。

今個月升破$100, 今日股價再創新高。

雖然看好公司在電動車、電池、半導體、加工業務嘅前景,但覺得升得太急、現價太快透支了未來的增長潛力

得577股已經冇乜貨再減持,所以只減持77股碎股,鎖定利潤及進一步拉低平均成本價至$25.5。餘下一手可以放喺度唔無須理會了

IPO 6988 & 909

6988值博率唔算高,所以只能用一個銀行戶口抽

近排新股熱潮可能已到尾聲,即使超額千六倍,暗盤表現都令人失望

銀行戶口抽唔使手續費,但壞處是沒有暗盤。

所以只能待昨日正式上市時才可賣出。

早上競價時段,股價顯示跌了九成,十分誇張

整個早上,股價都在招股價上下輕微徘徊

其實今次一手才$3000,加上股價上落不大, 賺蝕其實好輕微。但因是短綫投機,受心理壓力影響,經常留意著股價變動。特別是潛水時,會選擇等待、不切實際地盼望股價會回升而遲遲不肯賣出止蝕。

不想再糾纏,趁中午微微高過招股價時決定賣出,微蝕約十元手續費和opportunity cost。

909 值博率較高,用了2個證券戶口抽,亦在低機會率下都2個戶口都一齊抽中。受昨日影響,怕股價會好快插水,今次很快在暗盤時段賣出,鎖定利潤約一萬。雖然有機會股價再升賺更多,但我確實冇預測股價嘅能力。

SoFi

貪佢迎新送一股apple,download SoFi app試下開證券戶口。

嘩,竟然等咗足足19日先成功開戶。

使用了一陣,功能不多,比我用緊的兩個證券app差很多

IPO 2101

 又幸運地兩個戶口都抽中一手

暗盤一開波已經係最高價, 之後慢慢跌。當然把握唔到最高位放,有賺就算數。獲利近$3000, 當自己今日生日禮物,哈哈。

首次使用富途抽新股,不知為何暗盤價通常其他平台高啲。所以雖然手續費要$50, 但都值得使用。

加密貨幣

睇咗唔少網上文章關於加密貨幣,尤其是以太幣。我認同以太幣有長遠升值潛力。所以決定今日小試牛刀,試下開戶口買虛擬幣。

開戶主要係要身份驗證比較麻煩,要求比銀行戶口更高,但最後都順利解決。虛擬幣其實同一般貨幣差唔多,原來可以玩活期、定期、甚至一些槓桿的交易。

暫時買少少當交學費,始終波動性高,繼續慢慢摸索。

PayPal

其實註咗冊後好似從來冇用過paypal,見到email無端端送張$80比我用。咁好,我唯有夾硬上網買嘢用咗佢,哈哈!

百勝中國

冇抽呢一隻ipo,但早前見美股跌破招股價,就買少少美股博弈下

最後港股破發,既然賭輸咗,咁唯有認輸放咗佢,交了三百蚊學費

IPO 9633

再用歷來最大量嘅現金去抽這一隻「水中茅台」

一個戶口抽50手,另一個抽250手。

中籤率不同,一個48%中一手,另一個穩中一手加40%中多手。但結果都係各戶口抽中一手,哈哈。

暗盤一開已升一倍以上,喜出望外

想在暗盤放先一手,但應該暗盤系統有問題,搞了兩個鐘都成交不到,最後要調低到當日最低價才能成交。冇辦法,賺少都好過冇賺。

可能以賣水來講,PE真係太高。早上開市股價都不斷下跌,唔理太多,十點放埋剩餘一手,鎖定利潤$6400

月供領展5週年

不經不覺月供了823領展5年

它是我第二隻月供的股票,長時間累積下,現時是第2大持倉、也是收息第2多的股票

當初選擇它應該是熟識的公司名字、股價以往長綫上升。

如下圖,它曾是我組合內的長勝將軍,16年開始賬面已有30%利潤。股價在19年中曾接近$100, 賬面賺近70%。

但近一年,社會運動加上疫情使股價不斷下跌,跌幅達三成。近兩期月供買入價已低於平均成本價,所以若以現時review投資回報來說,只是賺息無賺價, 起碼當儲咗一筆錢。

新經濟股興起,近年領展這類舊經濟股被批評增長能力不再。在我看來,它是本地業務為主的企業,所以其實看你對香港中長期前境有沒有信心。

我給自己繼續月供和持有的理由如下:

• 暫時對香港前境不太悲觀,相信實體經濟會恢復。當然亦有投注在中資和美股分散風險。
• 公司業務較簡單易明,該股適合自己選股能力範圍
• 依然是財務非常穩健的邪惡收租佬,香港租金成本高、良好信貸評級使借貸成本低,謀取暴利的生意。所以防守力高, 適合自己投資取向。
• 公司有一定的管理和增長能力,懂得不斷提升商場價值、提升租金出租率、衝出香港向外擴張、資產不斷多元化
• 股息增長。在超長線持有和等待價值回歸的漫長過程中,定期有息收且股息不斷增長,心理上開心d

若以上持有的理由消失,就可能要賣出了。