會員計劃 積分大掃除

越來越多公司都整個會員app玩儲積分

好多都係日常普通消費、交費都同時儲到分

最麻煩積分係有到期日, 通過一年就會到期。我見唔少會員app d積分都係近呢兩個月到期, 有嘢可以免費換就唔好嘥,所以順便喺deadline前用埋佢

The Club 

交上網、電話費都有分儲,850 points 免費換咗把小風扇畀工人姐姐

豐澤i-coin

喺豐澤網都買咗唔少錢,但d分只可以換到張價值$100上網sim卡,都冇得去旅行,求其拎咗先算

恒生信用卡cash dollars

已經好少用enjoy卡,所以碌一年先夠換一張$50惠康卷

中移動會員積分

最初個app送唔少會員積分

有22000分到期,換左$50惠康卷*4+ $10付款券*2

八達通日日賞

個計劃八月底終止,有大約$70,去惠康買野用埋佢

中電智能積賞

唔係好清楚點儲分法,平時好似要2500分換到價值$50

但用1000分就換到Godiva$50卷, 250分+$229 換滅蚊燈

大家樂Club100

儲分計劃其實唔吸引,食$1100先換到一杯飲品、炒麵嗰啲小食。都係平時一個禮拜食夠三次減$5實際啲。

平時週末早餐或下午茶間中去食,一年嚟都食唔少錢,儲到千幾分。換咗一次炒麵, 和一次可以用優惠價$19食下午茶。

易賞錢

有啲分就夠期, 去百佳買嘢嗰時順便扣2350分當$47用

IPO 9989

高盛加大摩、明星基石、AH差價、有盈利有增長

結果竟是首日輕微破發

基本面如此好,不明白為什麼會跌,總是期望它會回升。但結果觀察了兩週, 連17蚊都穿埋,唯有止蝕。

因只有一手,蝕$1120。對比整個股票組合來說,金額損失其實不大。不過它是我今年首隻蝕錢的ipo。

6賺1蝕,本年IPO成績暫時不錯。

同一日,亦把5年前IPO抽落的<亞美能源控股>餘下的碎股清倉,埋單蝕50%。說起來慚愧,當時都不知為何要抽呢一隻股票...

多年前開始試抽IPO多數潛水又不願意及早止蝕。所以前幾年都再冇抽新股,直至上年尾阿里巴巴先開始抽返。今輪告誡自己,這是純賭博,新股只宜短炒,不宜長揸。

IPOs Again

上星期多隻新股同時招股，我都積極投入,貪婪想賺快錢

用了對我來說極大量現金抽了5隻新股。

主力抽思摩爾和歐康,然後是海普瑞, 正榮和康方則小注博下。

最後頭兩隻非常幸運地抽中兩手(用兩個戶口),海普瑞則穩獲一手。剩餘2隻就抽不中。機會率真好奧妙,抽中歐康兩手的機會率其實只有4.5%。但明明64%機會率也不中正榮。

先上市的海普瑞,首日已潛水,唔捨得蝕賣,暫時放喺度。

另外兩隻暗盤一開已爆升,每手賺超過一萬,竟然仲賺得勁過之前康基。完全想像不到、非常滿意升幅,所以2隻都在暗盤先放一手。然後今日上市日再沽餘下的一手食糊。

這兩隻為我帶嚟約五萬元進帳,非常可觀。

唉, 短短一、兩天短線嘅投機回報就已經遠遠高於我多年長線投資嘅收益,真的懷疑人生,哈哈。